|
Rûmet
Qoser
Huqûq; Pir caran ev têgeh tê bizimankirin, tê bikaranîn û weke
mafê xwe parastinê tê zanîn. Lê belê di sedsala me ya niha de ti
kes nikare xwe bi vê têgehê an jî vê amêrê ve îfade bike, ne jî
dikare xwe biparêze. Ji ber hiqûqa di roja îro de tê bikaranîn
tenê berjewendiyên dewletê û erkdarên dewletê yên fermî diparêze.
Tenê wan muxateb digre. Di nava sînorê huqûqa dewletî de mafê
kes û civakê tine ye, fetisiye. Ya rastî hatiye fetisandin.
Bi navê huqûq û mafê civakê kiryarên ku tên kirin hemû bêmafî û
êrîşên li dijberî civakê û kes in. Bitaybet kesê ku li pêşiya vê
sazûmaniya dij-huqûqî disekine ev kiryar ser wê/wî tên bikaranîn.
Girtîgeha Îmraliyê Guantanamoya hemdem ya Tirkiyê ye. Piştî
îşkence û bişavtina fîzîkî, ruhî, derûnî û ramanî ya ser mirovan,
îro hewl tê dayîn ku girtîgeha Guantanamoya li Kubayê were
girtin. Lê belê Tirkiye ya ku xwe bi modernbûyînê nav dike, vê
rêbaza dijmirovahî kes pêk tîne. Hemû kiryarên herî qirêj yên
pêvajoya zîhniyeta desthilatdar li kuderê hebe ji aliyê hukûmet
û dewleta tirkiyê ve tê şopandin û pêkanîn. Yek ji wan jî
bêguman girtîgeha Guantanamoya ku di nava sînorên Îmraliyê de
pêk tîne bi xwe ye. Pergala li vir bi biryareke giştî ya
navnetewî ve tê meşandin. Lewma di pratîkirina tecrîda girankirî
ya li Îmraliyê û bêhuqûqiya li wir sazî û dezgehên pêwendîdar jî
berpirsyar û hevkarên vê îşkencê ne. Saziya pêşîgirtina
êşkenceyê CPT, mahkema mafê mirovan a Ewrûpayê AÎHM li hember vê
tecrîda li ser Rêbertî û êşkenceya ku tê meşandin, bêdeng in. Ev
jî hevkariy wan piştrast dike. Her wiha ev saziyên huqûqî di
serî de huqûqê xwe ya xebatê binpê dikin. Mafê ‘kes’ ku divê
biparêzin binpê dikin. Ev bi xwe xiyaneta li dijberî mirovahiyê
ye.
Li hember Rêber APO ti rêbazê zîhniyeta desthilatdar ya Tirkiyê
nemaye ku pêk neanîbin. Lê bi ti awayî bi ser neketin. Îro jî ji
ber vê xwe davêjin van kiryarên derve û xwe hîna zêdetir pê
dixapînin.
Çekên kîmyewî ku bi peyman û rêzikan ve hatiye qedexekirin, ji
aliyê hukûmet û artêşa Tirkiyê ve tê bikaranîn. Hukûmet li ser
hemwelatê di nava welatê xwe de çekên kîmyewî dibarîne. Ev asta
hovîtiya ku gîhiştinê rave dike.
Ev êrîş û kiryarên li ser gel û rêxistinê ji bo dewleta Tirkiyê
ti encam bi xwe re neanî û nayîne jî. Rejîma Tirkiyê êrîş li ser
Rêberê me girantir kirin. Ev jî bes nekir, piştî hemû hewldanên
huqûqî ku ji aliyê sîstema desthilat ya heyî ve hat bikaranîn bi
nêzîkatiyeke rûreş, xiyanetê ve dagirtî ROJ TV hate girtin. Ev
helwest nêzîkatiya hemû dewletên Neteweyên Yekbûyî jî dide
diyarkirin. Ev biryar ji navenda wan derketiye.
Tirkiyê bi van rêbazên dubare û paşverû wer dixwaze bigihîje
tiştekê. Lê ruxmî ku em dizanin bi sedan rewşenbîr û rojnamevan
di girtîgehan de rizandin, di bin çavan de dane wendakirin, lê
dîsa jî nekarîn dengê azadiyê bitefînin.
Namzetên gel yên hilbijarî bi rêbazên bê qanûnî û bêhuqûq
davêjin binê girtîgehan û bi lêgerên mekanên wan her roj li ser
ezmûna xwe ya bêmafiyê pileya xwe bilindtir dikin.
Ev bûyer hemû dema tarî ya Rojhilata Navîn ya serdema navîn ku
heya niha domiye, bi bîr tîne.
Li hember van kiryar û êrîşên dijmin yên hovane gelê me û
rêxistina azadiyê ji her demê zêdetir bi baldarî û hişyar
tevdigere. Di vê dawiyê de hemû bûyerên ku hukûmeta AKP dixwest
bi awayeke veşartî û sergirtî bike û derbas bike di encama vê
baldarî û şiyarbûnê de derketine holê û eşkere bûne. Ev yekbûna
gel û gêrîla dide diyarkirin. Ev yekbûna dilê gel bi Rêber APO
ve dide diyarkirin. Asta zanist û têgîhana gelê kurd ya
xwedîderketina li xwe dide diyarkirin. Ev helwestên hatin
diyarkirin hemû ji serê salê ve bi dirûşmeya “Em Rêber APO azad
bikin, li qirkirinê dawî bînin!” bi hemleya berxwedana netewî
hatiye destpêkirin û bi xwedîderketinek berfireh a jinan ve
berdewam dike.
Ev kampanya bi tevahî tekîldarî pêvajoya siyasî ya dawî hatiye
destpêkirin. Ji ber ji milekî ve operasyonên siyasî yên
tevkujiyê berdewam dikin, ji milê din ve jî ev 6 mehin li
Îmraliyê hevdîtin pêk nayên. Astengkirina van hevdîtinan gelê me
û em hemû xistine nava fikarên giran. Lê belê gelê me bi
berxwedana xwe dide nîşandayîn ku êrîşên heyî û astengkirina
hevdîtinên bi Rêber APO re hemû sebra wan derbaskiriye û wê
ticar vê rewşê nepejirin.
Bi rojane ku em şahidiya berxwedanên mezin yên jinên Kurd dikin.
Jinan bi mîtîng û çalekiyên cûr be cûr ve kiryarên rejîmê li ser
Rêbertî şermezar û lanet kirin. Li her deverê ev çalekî hatin
berdewamkirin. Wê berdewamiya van çalekiyan bi dirûşmeya "Ji
Ocalan re azadî, ji komkujiyê re dawî!" hîna bilindtir wê pêk
werin.
|
