|
|
Dimilkî
|
Zerrî Gırsa Mı
...
|
Ê Ke Bî Estarê...
|
|
Mîzgîn, Mîzgîn ti kî mebê,
Bi nê asmêno ke çim şikneno mi mexapî
Maf ben çênê, maf ben…
Her şodir na şîîre ci rê wendênê. Şîîra şaîrêde Kurd
bîye, la bi tirkî nusnaybî. Cayê Mîzgîne de Ferîde
bîye. Aye vurnaybî. Aye Mîzgîne ra zaf heskerdêne.
Mîzgîne huyayişa kîşta lewa bîye, o ke herekîyene
zerrîya bele, o ke xo verdêne royê verê întîharî,
fikra întîharî kerdêne vila. Reyna çerexnêne cuayene.
Bîyêne mane, talîya cuayene kerdêne pirr. Talîyake
welatêde xerîb de virazîyêne û reyna rehet rehet
pirr nêbîyêne. Ro bê mix xo de darde kerdêne. Ro
hînî dardekerdî mendêne. Ne merdêne, ne xelesîyêne
ra. Hînî talîtîyede dardekerdî ezeb ontêne...Zêdetir... |
|
Zerrî Gırsa Mı
Mîzgîn, Mîzgîn ti kî mebê,
Bi nê asmêno ke çim şikneno mi mexapî
Maf ben çênê, maf ben…
Her şodir na şîîre ci rê wendênê. Şîîra şaîrêde Kurd
bîye, la bi tirkî nusnaybî. Cayê Mîzgîne de Ferîde
bîye. Aye vurnaybî. Aye Mîzgîne ra zaf heskerdêne.
Mîzgîne huyayişa kîşta lewa bîye, o ke herekîyene
zerrîya bele, o ke xo verdêne royê verê întîharî,
fikra întîharî kerdêne vila. Reyna çerexnêne cuayene.
Bîyêne mane, talîya cuayene kerdêne pirr. Talîyake
welatêde xerîb de virazîyêne û reyna rehet rehet
pirr nêbîyêne. Ro bê mix xo de darde kerdêne. Ro
hînî dardekerdî mendêne. Ne merdêne, ne xelesîyêne
ra. Hînî talîtîyede dardekerdî ezeb ontêne...Zêdetir... |
|
|
Leteyêde Aşme Bî -I
|
Leteyêde Aşme
Bî -II
|
|
Name Peyname: Nebî Çelîk
Nameyo Kod: Reber
Name Maye: Heznîye
Nameyê Pî: Memdalî
Cayê Bîyene: Muş/gımgım/dewa Sêgıra
Rewşa Wendene: Zanıngehe caverda
Tarîxe tevê cı bîyene: 1994-gulane
Ca: Îstanbul
Cayêde tê de mendo: Botan
Tarîxê şehidbîyene: 11 Nîsane. 1997. pêrodayîşa Çaçê
Tawo ke ti mîyanê dewe de bivinê, sarê xo tayê
berzkerê...Zêdetir... |
|
-Nebî yê mi qet merex meke, ez berî to bîvînî. Ma ti
nê wazena biwanê? Ti wazena cahîl bimanê? Nebî bi
zorê îkna keno zerê xo de adir Nebî caverdano şono.
Nebî teyna nîyo dewa ey ra hevalê ey ê bînîkî estê.
Dewlêta Romî înan bido wendyenê xorê bikêro xulam,
bikêro xo. Hevalê Nebî estê ê hevalê yewmînîyê la
xerîbîyêde kam şîkîno Teynatîya kamî parikero ke?.
Ma xerîbîyê êna parkerdene? zerrîya Nebî û hevalanê
ey veşana. No adirêde henênokî qet yew (jû) awe
nîşkîna bışayno xow ra. Ustuna zerê înan maya înan ê
caverdê. Ê êştê mîyanê adirê xerîbîya kamaxe...Zêdetir... |
|
|
Ê
ke bî estarê Çımê to Asmên de
|
Xeyalanê Xo Cameverde
|
|
Pênîya sera newse û şeş bî. Ez newe(tezi) amaybî
zaningeha Ege. Xeya(Armancê) mi ez wendoxanê
welatparez nasbikerî, tekoşîna rizgarîya gele Kurd
hîn nêzdi ra nasbikerî. Ez rew de Îzmîr de bîya.
Amabî Îzmîr. Mi lîse uca wendîbî. La ez nêmusabî ê
bajarî. Her tim xo ê bajarîdi xerîb hesîyaybî. No
hîsê xerîbîyê mı nêşkîyaybî xo sera berzî. Pênîyê de
mi dî ke xerîbîyê serê însanî ra nêşona. Ti sebikerê
kî nêşona. Her tim tala fekê to de. Ti xo xerîb
mevînê kî ê to xerîb vînenê. Pênîyê de mi na
famkerdîbî. Û dest bi xo naskerdene kerdîbî. Mi dî
kî ez înan ra nîya. Ez biwazî kî nêşkîn bibî înan ra. Zêdetir... |
|
Şo sey vara wisarî, sey pukî, sey pukileke, sey awa
çema. Verê to de çîyê me vindo. Şo azadîya xo, şo
kotî bena şa. Şo kotî bena bêpê. Mi caverde şo. Ez
musa caverdane. Mi qasê serranê xo cuyayî caverdanî.
Şîyêna to kî mi rê bi bo derd û kul, mi rê bibo jan,
mi rê bibo bêkesîye, bê wayîrîye. Ma se bibo? Çenda
ez canêverda ke. Ti kî cameverdê. Qey ma mi kî
canêverdayî tayê? Mi kî pê xo de nê êştî bi çima nê
hît? Mi kî çimî pê xo de nê verday? Zerê janî, zerê
xemî, êşê xemrî pê xo de nê verday? Coka zerê mi kî
bîyo zero sîya. Coka zerê mî kî de êşê xemrî bîyê
qiloz, bîyê pêser, bîyê lod.
Zêdetir... |
|
Serê sifrî nîştaro parîyê xo fek de berbena. Qey berbena
waxto ke nîşêna ro wer buro? Çi êno vîra aye berbena? No
berbayîş heta kotî şoro? Emrê xo nîya şîbî. Asmîn na dolime
zaf bi bîryara pêro cesaretê xo kena kom şona lewê aye.
-Oncîya hîsra varnena! Oncîya parîyê to fekê to de hîsîre to
çimanê to de. Mirê vaje derdê to çiko? No çi derdo nîya to
weno?
Zêdetir...
|
Şiverê
bena derg û dûrî. Şonê, şonê nêqedînan. Qefelîyê. Qûdûm
zonîya de nêmanêno. Veracêr bena, veracor bena, bena hîra,
bana teng. Asêkî ra vîyarena. Bînî birnena fek de. Lewa
qeleşnena ra. Lewa ra gonî şona. Zerrî ra xora timûtim gonî
şona. Xo berzê bertengê kamî? Xo berzê bertengê heqe asmênî?
Ma hînî nêbî ke her çî dema ke xizirê serê hardî, bî heq
vecîya asmên, ê kî bê wayîr mendî. Welato berzo rindek bê
wayîrî mend. Kewt binê linganê verganê harî.
Zêdetir... |
|
Ez yew gozêre nîya parkê Gulhane de, a ke nê heyra polîsî ci
esta, ne kî heyra to. Ez simzêra mîyanê çar mayîna de. Zaf
koyê ke dûrî de ra. Û teynawa. Tup û teynawa. Ezîkî sey
gozêra parkê Gulhane, hayra kesî mi ra çîna. Welatê ke ser
şer esto dera. Cuyena mi xetere dera. Her vîste de beno ke
cuyena mi pênîyê bo. Bi serrawo nîya cuyen. Şerê Îran û
İrakî ra heta nika nîya bin xeterê ke girs de cuyen. Mi va
ya mîyanê mayîna de ra. Yew bêro payê mayînî bikero, mayin
biteqo, ez bibî letê bi letê. Ez sanîyê bi sanîye, deqa bi
deqa, saat bi saat, roj bi roj, hefte bi hefte, aşm bi aşm û
pênîyê de ser bi ser nîya bi ters cuya. Bi şewe û roja
hêvîya teqena nê mayîna wa. Şima hêvî mendene çika zanenê?
Bacandina, çîqîyena, puçbîyena, zerrîtengîya ke teqeyêna û
bi serrawo ez mahkumê na hêvî mendena.
Zêdetir...
|
|
|
Ricivîyênê, sey mîlçîka bin vare ricifîyênê. Porê xo yo derg
û sîya bîbî vila. Çimanê xo de şewirmîyanê ke heta a roje mi
qe yew çima de nêvînîtîbî. Sebîbî? Çi a ardîbî nê halî? Ma
qey ci rê serdbî_ Însan serdû seqeme zimistanî de kî nîya
nêbeno. Mi va çimanê xo de şewirmîyanê esta nê? Nê, nê çi
şewirmîyanê? Çiyo ke çimanê aye de asênê çekuya şewirmiyanê
ci rê zaf sivik manena. Çimanê aye de êş, dej, xemgînîyê, to
vatênê qey giranîya hezar serra esta. To vatênê qey derd û
kulê sey Serra amê barê çimanê aye bîyê. Verê de çimê aye
nîyanên bî ya newe hîn bîbî? Çi taxo ke nîyanênê?
Zêdetir...
|
|
|
DÎDARE
Şîlîye
varena, ti vana qey nika koyî pêro birijê, berk û brusk
erzeno, her ca roştîyedi xeneqîno. Homete bîya homete, nê
bîya homete şewa ke zê na şewe nêdîya. Maye derguşa xo
gureta vi-rana xo, xo ardo pêser nîştaro. Tersena, zaf
tersena, kes çîno lewide. Mêrdê xo şîyo ser kar hona nê amo.
Maya. Derguşa xora tersena. Setanê çîyê mêro ser derguşe,
derguşe şenik mendo virana xodi bifetisîne. Derguşe bîya sûr
û kûr. Nîşkîna bîne bicêro. Saat derbazbenê. Şîlîye
nêvindena. Brusk kêm nêbeno. Zere de soba vêşena. Soba ke
îna kena germa. Germê soba dano laşe, laşe keno germ. Zêdetir... |
|
Dîla, çeneka rindeka azeb. Verê çeverî de nîştaro qaytê cê
ra kena. Qaytê asmîn kena. Asmîna ke merganê cêrî û asmenî
kena ju.
Serê a kemere ra nîştaro. Oncîya a kemera. Şona êna serê a
kemere ra nîşenaro. Kemêra zê kûrsî. Kemera pane, a honike.
Kemera şahîda zerê aye. Ju şahade. Xencê aye kes, çîyê çîno.
Teyna a şahîda. Teyna a şîkîna Vengê zerê aye biheşno. Teyna
a heşnêna. Kemera gewre, kemera gewra honike. Ne zaf girs,
ne kî zaf qij. Kemera şîrîga derdanê aye. Şîrîga zerya aye.
Şîrîga xem û xemgînîya aye. Şîrîga kêf û şabûna aye.
Zêdetir...
|
Fadi
Çê îna taxa cerî ra şîbî taxa corî. Corê dewide cîyê ke
berzdibî. Ti waxto amênê verê çeverî kulî dewi kewtênê binê
linganê to. Çê bi beton viraştîbî. Verê nê çê, baraka ki
halerzdi vîraştîbî ayidi nîştênê ro. Pîyê aye xo bi xo
viraştîbî no çê. Çê yê ki jû kat, balkona ki xoya dergê bîyê.
Tayê cerê çê di gomi bî. Malê xo kerdênê nê gomî.
Zêdetir...
xwendevanên hêja em ê hewl bidin ji vir şûnde nivîsên zazakî
di merpela xwe de biweşînin ger hûn bixwezin hûn jî dikarin
bişînin navnîşana marpala me
|
|
Oncîya zerê mi şîkîyo. Taxo ke dara zerê mordemî bîşîkîyo,
mordem îndî nîşkîno tehma çîyê bicêro. Tehma tîjî, tîja ke
pê torga gi cemede ra vecîna, serde ke qesem de mordemî kena
germ. Mordem serdo serma xo vîra keno. Hînî zaf tehma tîjî
cêno û tîjî îndî maneye ke bîn gureto lewê ê mordemî de.
Taxo ke ez şîyenê verê selxî (xwezila nika oncîya doman
bîyenê, bîşîyenê verê selxî. ) çen dolîme amê serê mi. Torge
ke hîn girs, hîn serd varêne ke to vatê nê qey nika sarê
mordêmî bîşkîyo. Zêdetir... |
|
|
|
